Hvenær kemur okkar tími?

Forsætisráðherra hagar sér eins og kjöldregin gála sem hefur verið skilin eftir í vaskafati af kærastanum.

Hvernig væri nú að snúa sér að okkur, þjóðinni sem þú metur svoooo mikils að eigin sögn.

Við erum að verða eins og óhreinu börnin hennar Evu í þessum leikaraskap.

Allt í einu skiptir engu hvað ESB er að spá og ekki hægt að bíða eftir því í sólarhring!

Óhæfir ábyrgðarlausir apakettir eru hrósyrði um þetta lið.

Lausn ekki fundin

Föst í fanginu á Davíð!

Þráhyggja Jóhönnu og félaga er að verða landinu ansi dýrkeypt.  Af hverju ekki taka Katrínu Jakobsdóttur til fyrirmyndar og gera það sem hægt er, í stað þess að einblína á Seðlabankann.  Seðlabankinn fæðir engan og ég á alveg eftir að sjá Seðlabankann klæða einhvern.

Framsókn skekur ríkisstjórnina

Er nú ekki kominn tími á handtökur?

Í kjölfar þess sem komið hefur í ljós síðustu daga, varðandi stýringu stjórnenda bankanna á hlutabréfaverði finnst mér full ástæða til að handtaka þá alla saman. 

Jafnframt alla þá sem selt hafa hluti í bönkunum síðustu 18 mánuðina fyrir fall þeirra og nema hærri upphæð en 1 milljarði króna. 

Láta þessa aðila svo dúsa inni þar til við fáum heildarmyndina af þessu snilldarsvindli og þeir eru búnir að afsala sér öllum fjármunum erlendis og þar með töldum félögum hingað og þangað.

Það er orðið ljóst að spilað var með verðmæti hlutafjár, sérstaklega í bönkunum að minnsta kosti frá 2006.

Taka eins og tvær blokkir upp á Keflavíkurflugvelli og hýsa þetta lið á meðan.  Það má svo nota það húsnæði undir framtíðarfangelsi okkar síðar. 

Jafnframt er skelfilegt að vita til þess að þetta lið flaug yfir okkur í einkaþotunum á okkar kostnað, og við göptum upp í loftið öll sem eitt og settumst svo fyrir framan flatskjáinn -okkar hlut af dílnum!!!

Okkur voru seld lán í erlendri mynt til að friðþægja okkur -á spottprís, og eins og sönnum íslendingum sæmir fórum við alla leið.  Hjólhýsin, bílarnir, húsin, ferðirnar, allt varð stærra, hærra, lengra.

Núna eru svo starfsmenn þessara fyrirtækja að klekkja á lántakendum með allskyns sukki í endurheimtum á þessu góssi, og manni verður hreinlega flökurt við tilhugsunina.  Ríkið á að setja upp matsstöð til að meta það sem endurheimt er, svo ekki sé hægt að slátra fólki svona svakalega.

Að bílar séu teknir niður um allt að 80% er náttúrulega bara fáránlegt!  Af hverju má þá bara ekki færa niður lánin og leyfa fólki að borga af þeirri upphæð sem eftir stendur? Til hvers þarf að selja þá bíla einhverjum þriðja aðila?  Sem selur þá svo áfram á mikið hærra verði?

Við verðum að stöðva þetta strax!  Það er ekkert sem heitir á morgun lengur hér.  Það mun allt loga landshluta á milli eftir mánuð -READ MY LIPS!  Og eins og við höfum séð er LÖGREGLAN engin fyrirstaða og engin virðing borin fyrir henni frekar en öðrum yfirvöldum.  ÞÁ verður stríð sem enginn veit hvernig endar!

Barcelona tapaði fyrir Espanol í gær!  Það var vegna þess að fimm af ellefu í byrjunarliðinu voru nýir og Eiður ekki þar á meðal.  ENGIN afsökun!, frekar en VG með reyndasta þingmann landsins getur falið sig á bak við ókunnugleika.

Ef ríkistjórnin ætlar að fela sig á bak við ókunnugleika, nýjabrum, vankunnáttu og eitthvert húmbúkk, verður hún að fara frá STRAX.

Ef við kjósendur eigum að trúa því, að hverja svo sem við kjósum, þá séum við að kjósa hæft fólk til að stjórna landinu, verða þingmenn að sýna hæfni sína og þekkingu á þeim störfum sem þeir jú hafa sóst eftir, og geta ekki falið sig á bak við eitt eða neitt.

EITT ER VÍST!  AÐGERÐA ER ÞÖRF NÚNA!

 

Þingmaður með bíladellu!

Alltaf gaman að því þegar fólk sinnir sínum áhugamálum.  Það er hinsvegar þegar það gerir það í vinnunni sem leiðir skilja og ég hef ekki lengur húmor fyrir því. 

Alþingismenn eru sjálfir búnir að eyða allri virðingu sem þjóðin hafði kannski fyrr fyrir þinginu og störfum þess.

Óvirðing við Alþingi

Glæsilegt!

Glæsilegur hornsteinn að enduruppbyggingu Íslands.  Til hamingju stelpur með að undirrita þetta, sýnir öllum þeim sem vilja að við höldum áfram og erum ekki að leggja árar í bát.

Allt að 600 störf vegna framkvæmda við Tónlistarhús

Senda þingið heim!

Og stjórna með bráðabirgðalögum síðustu metrana til kosninga.  Þannig fengum við jú bjórinn á sínum tíma var það ekki?  Ekki víst samt að stjórnvöld hafi nokkurn dug í sér að taka ábyrgð á gerðum sínum!

Þingmenn sýna þjóðinni lítilsvirðingu

Afsakið!

Blindaðist af skyndilegri ást hennar á Evrópusambandinu og viðskiptakerfi þess....

Meira síðar þar sem ég sé ekkert hvað ég er að gera!

-við eigum það kannski sameiginlegt þá, við Kolb´run ;-S

Ísland í hóp með ESB-ríkjum í loftslagsmálum

Keflavík - Kópasker næst?

Þetta eru líklegar framtíðarhorfur sveitarfélaga á Íslandi sem verið er að fjalla um í Kaliforníu núna.  Íslenska ríkið verður að nota allar sínar tekjur til að greiða niður erlend lán og getur ekki greitt lögbundin framlög til sveitarfélaganna sem þannig verða að segja upp fólki, og skerða þjónustu.

Þetta er virkilega raunveruleg hætta ef við komumst ekki að einhverju samkomulagi um niðurfellingu skulda erlendis.  Jafnframt verður að tryggja skilanefndum bankanna stöðu til að vernda eignir erlendis þar sem því verður við komið og svigrúm til að halda þeim uns úr rætist hvenær sem það verður.

  Allavega alveg ljóst að allt sem við missum út úr höndunum núna fer upp í skuldir á 10-25% af hugsanlegu virði þeirra jafnvel bara eftir ár eða tvö.  Sjálfsagt að nota lán IMF til að bakka það upp.

Kalifornía nær gjaldþrota

Hrukkudýrum fjölgar!

Svokölluðum hrukkudýrum hefur fjölgað mikið undanfarna mánuði.  Stafar það að mestu leyti af því að eigendur þeirra hafa ekki lengur efni á að fela snyrtivörufyrirtækjunum að halda þeim sléttum 

Er vitað að margir hafa vaknað upp við vondan draum þegar þeir horfast í augu við raunveruleikann

Minni hagnaður af snyrtivörum

3 samfellur og 2 bangsar!

Sent til lítils frænda á Íslandi er nú til skoðunar hjá tollayfirvöldum!  Jóhanna er að taka á málunum engin spurning um það.

Enginn stjórnmálamaður, hún þar með talin, þorir að taka ábyrgð á ákvörðunum sem þola enga bið.  Það er öllu velt yfir á aðra!  Einhverja aðra!

Flestir bera traust til Jóhönnu