Veikur í banka.

Er alveg búinn að vera veikur í banka undanfarið.  Hef farið bæði með flensu og hálsbólgu og nú sit ég uppi með það að þurfa að fara á öðrum fæti næst.

Að öllu gamni slepptu hlýtur að vera niðurdrepandi að starfa í banka og horfa á verðbréfamarkaðinn hrynja í allar áttir dag eftir dag.  Sú spurning hlýtur að fara að vakna hvenær er upplausnarvirði náð í mörgum fyrirtækjum.  Lífeyrissjóðirnir safna nú "birgðum" og spurning hvenær þeir verða að fara af stað til að ávaxta okkar pund "í framtíðinni "sem er ekki lengur það sem hún virtist fyrir ekki löngu síðan.

Eitt er alveg öruggt morgundagurinn kemur.  Hvort ég á eftir að taka þátt í honum á bara eftir að koma í ljós, en mikið svakalega er gott að kvíða honum ekki.