Skráður - skilinn

alveg mögnuð upplifun í gærkvöldi já eða í nótt.  Sýndi mér svo ekki verður um villst hvað kvenfólkið er rosalega vel upplýst.  Ég fór á pöbbarölt(sund) með vini mínum sem er nú ekki í frásögur færandi.

Vindur sér að okkur kona og segir við mig þú ert skilinn!  Já ég samsinnti því.  Þú ert ekkert búinn að ná þér í aðra!  Nei svaraði ég. -Nei ég veit.  Nú fóru að renna á mig þrjár grímur, að vísu hafði ég séð þetta andlit áður fyrir svo sem eins og á síðustu öld!!!  Fór að líta í kringum mig hvort einhver sem ég þekkti stæði glottandi hjá en enginn kom upp um sig með áberandi hætti a.m.k.  Eitthvað virkaði þetta áhugalaust því hún var rokin - í bili - sýndi sig að var reyndin seinna um nóttina. Nokkru seinna kemur önnur sem ég hef nú bara ekki séð fyrr.  Þú heitir Bjössi ekki satt? jújú-já þú skildir einhvern tímann í vor var það ekki? Jú í mars.  Einmitt konan fyrrverandi búin að ná sér í annan er það ekki? Ha jú það held ég að sé staðan segi ég svona að reyna að koma inn fleiri en einu orði, i því gengur einhver vinkonan hjá og hún hnippir í hana og byrjar:þetta er hann bjblablablablabalbbbbla hann var giftur henni blablablablabla, þarna lá bara í stórum dráttum líf mitt undanfarin ár á mínútu eða svo.  Eftir þetta dró ég mig aðeins í hlé og horfði undan bókahillu á fólkið streyma um, og hélt svo bara áfram að vera til Ótrúlegt hvað kemst fyrir- já ekki orð um það meir hér  Þetta kvöld tókst mjög vel punktur.

Athugasemdir

[Birna Dúadóttir, 30.12.2007 kl. 11:42]

Alveg eðal-upplýsingastreymis-keflvískt-fyrirbæri.Farðu varlega í rokinu,knús

[Ingvar, 30.12.2007 kl. 18:57]

hahaha !!!  "Saumaklúbbarnir" klikka ekki á svona löguðu

En ertu viss um að þær hafi ekki eithvað verið að kanna "markaðinn"??

[Björn Finnbogason, 30.12.2007 kl. 19:47]

Ég hef mínar skoðanir en ætla ekkert að viðra þær núnaNenni hins vegar ekki að tjalda oft til einnar nætur.  Hjólhýsi, hús, höll, er svona frekar hugmyndin.

[Jónína Dúadóttir, 31.12.2007 kl. 07:49]

Það er sem sagt fylgst vel með framboðinu í kjötborðinu