Hvern fjandann er fólk að þvælast líka!

Það hefur enginn gefið leyfi fyrir því neitt að fólk sé rúntandi um landið að óþörfu.  Svo held ég það sé í lagi að flest verktakafyrirtækin fari á hausinn þetta eru allt glæpamenn hvort eð er.  Síðan verður Vegagerð Ríkisins hafin aftur til vegs og virðingar og góður flokksmaður af norðurlandi settur yfir hana.  Þá verða malbikaðir vegir í Þingeyjasýslum, og klárað að leggja gangstéttir með veginum til Siglufjarðar.

Hvaða máli skiptir þó nokkur hundruð manns verði atvinnulausir, það eru jú hátt í tuttugu þúsund á skrá!

Svo er brýnasta verkefnið að koma ellilífeyrisþegum og öryrkjum á hæli svo þeir séu nú ekki að þvælast fyrir, og hafin er vinna við að skattleggja börnin frá ungaaldri með sykurálaginu.

 

Dæma fyrirtæki til gjaldþrots

Athugasemdir

[Skaz, 21.6.2009 kl. 21:45]

Já það er ekki laust við að manni finnist sem svo að Steingrímur og VG séu að verða komin langt með að skapa aðstæður fyrir það að enginn fari neitt. Skattar á benzín, olíur og núna niðurskurður í vegagerð (væntanlega viðhaldinu líka?)...

Heldur á fólk  að þeirra mati að halda sig heima í nýju torfkofunum sem það er búið að byggja því að það getur ekki borgað af lánunum á húsunum sínum og stunda vistvænan sjálfsþurftarbúskap. Og borga skatta....það verða allir að borga skatta...mikla skatta...

Ef þetta er norræna velferðarríkið...

[DanTh, 21.6.2009 kl. 23:26]

Ef maður á ekki pening til að greiða skuldir sínar, þá fer maður ekki út í búð að versla munaðarvöru. 

Ríkið er tæknilega gjaldþrota, hvað sem hver segir, og því ekki nokkur glóra að standa í vegagerð eða öðrum nýframkvæmdum næstu árin.  Það liggur fyrir að "þjóðin" verði að greiða skuldir umfram þær tekjur sem hún aflar í erlendum gjaldeyri og því varla nokkur tekjuafgangur til þess að daðra við verktakana.  Það á að beina atvinnusköpuninni í útflutningsgreinarnar til þess að mæta því áfalli sem þetta þjóðfélag hefur orðið fyrir.