Til glötunar!

Sem er jú ein leið út úr vanda.  Verð að viðurkenna það að ég hélt að Jóhanna myndi grípa boltann og grýta honum í netið loks er hún fékk hann.  Æ ofan í æ hefur hún tekið við verkefnum þeim er henni hafa verið fengin, ekki alltaf í góðu, en endað á henni.  Einhvern veginn hélt ég að hún myndi taka slaginn núna og verða Jóhanna af Örk, en hún er að liðast í sundur, og nær sennilega ekki landi frekar en margir aðrir þessa dagana.  Ég hef undanfarna mánuði komið með einfaldar lausnir á vanda okkar íslendinga sem hægt væri að hrinda í framkvæmd á þremur dögum þjóðinni til heilla.  Á sama tíma eru helstu hagfræðingar og innfluttir bankastjórar og rannsakendur að föndra við fortíðina, allt í boði ríkisstjórnarinnar.  Hugmyndir um 20% hér, 4milljónir þar, eru til umræðu, en ekkert gerist. Á meðan væri hægt að fara mína leið öllum að skaðlausu.

Einu sinni enn í von um að ná eyrum einhvers vitringsins:

1.  Færa allar afborganir aftur til 1. júni 2008 og gildi það um öll lán.  Samkvæmt því verði greitt þar til annað verði ákveðið.

2.  Ríkisbönkunum verði úthlutaðir tékkareikningar í Sparisjóði til að ávisa lánum á til viðskiptavina sinna sem síðar yrðu fluttir í bankana sem hluti af því fé sem ríkið hvort eð er á eftir að leggja þeim til.  Þar með væri hægt að fjármagna fyrirtækin strax.

3.  Stöðva allar aðfarargerðir og nauðungaruppboð og þetta eru einu lögin sem setja þarf fram að kosningum.

 

Jafnaðarstefnan leiði þjóðina