Skora á dómsmálaráðherra

Ég skora á dómsmálaráðherra að nota nú tækifærið eins og Vilmundur Gylfason forðum daga í minnihlutastjórn Alþýðuflokksins þegar hann opnaði á bjórinn.

Flyttu Landhelgisgæsluna til Keflavíkur í heild sinni, og komdu því í verk áður en þú lætur af embætti.

Þar með ert þú komin á spjöld sögunnar, og þessir stjórnmálavitringar sem eru þarna með þér láta það ganga yfir sig núna vegna kosninganna framundan.  Færðu líka Lögregluskólann þangað og fleygðu upp eins og einu fangelsi þarna í leiðinni.  Leyfðu þeim hinum svo að hafa höfuðverkinn af því að fjármagna dæmið.  Þau geta alltaf lagt niður Varnarmálastofnun og átt afgang til að eyða í vitleysu.

Uppsagnir hjá gæslunni

Athugasemdir

[Jóhann Elíasson, 25.2.2009 kl. 00:30]

Mæltu manna heilastur, þetta er nokkuð sem hefði átt að gera daginn eftir að Bandaríkjaher fór af "Vellinum".

[corvus corax, 25.2.2009 kl. 01:37]

Ég mundi nú segja að brýnasta verkefni dómsmálaráðherra í málefnum Landhelgisgæslunnar sé að reka gjörsamlega óhæfan spillingarforstjóra Gæslunnar. Allt annað kemur á eftir.

[Benedikt H Segura (IP-tala skráð) 25.2.2009 kl. 02:02]

Nokkuð rétt en ég held að það sé löngu tímabært að a.t.h að einkavæða  þessa flugdeild hjá Gæslunni. Mikill óþarfa rekstur umhverfis þetta og eins og fram hefur komið mikil spilling meðal starfs og yfirmanna. Nokkuð ljóst að það má spara miljónir á að einkavæða þenann rekstur, best er að líta á Breta, Þjóðverja, Norðmenn(á Svalbarða) og ekki langt í að þetta verður úr höndum ríkisvaldsins hér í Kanada.