Fullt hús á aðfangadag!

Við íslendingar þurfum að vera fljót að aðlaga okkur þessum breyttu aðstæðum.  Ég rek lítið gistihús og  varðist "fimlega" gestum yfir jólin, en hefði auðveldlega getað verið með fullt hús.  Áttaði mig ekki á  eftirspurninni fyrr en eftirá, og hefði bara getað náð jólunum á Kanarí í staðinn 6. janúar ;-D

Og hvað vildi fólk gera?  Jú Bláa lónið, hestaferðir í snjónum!, svaðilfarir á fjöllum og útisundlaugar, og svo Geysir.

Það sem kom mest á óvart var þó þegar kanarnir vildu vita hvort Nike vörur, og 66N væru seldar í nágrenninu, hvort það væri rétt að þeir gætu fengið vsk. endurgreiddan, og hvaða vörumerki þeir þekktu önnur hér á landi!  Minnti mig nú á ófáa innkaupaleiðangrana erlendis þegar maður stóð í flugstöðvum hingað og þangað, blóðugur upp að öxlum með kassakvittanir og taxrefundform allskonar.

Við erum greinilega að fá útlendinga í "íslenskum" sparnaðarhugleiðingum, sem fær sömu útkomu og við forðum daga: ferðin er frí ef við kaupum nógu mikið:-D

Það sem við þurfum að gera okkur grein fyrir er að þetta fólk er að ferðast í frítíma sínum, og opnunartímar þurfa að taka mið af því.  Fyrir mig, ef jólin þurfa að vera í janúar til að tryggja betur mína afkomu, ja þá -so be it- 

Ísland á hálfvirði