Að detta í drullupollana alla!

Sólin lágt á lofti og stysti dagur ársins.  Íslendingar eru orðnir svo krepptir af fréttaflutningi undanfarinna mánaða að enginn sér lengur til sólar.

Hvernig væri nú að finna eins og einn jákvæðan punkt eða jafnvel tvo.  Hvergi hef ég séð neitt skrifað um LÖNG JÓL til dæmis og hvað það kallast þegar svo hittir á eins og nú.

Mjög lítið hefur farið fyrir jólaumfjöllun yfirleitt, það hefur allt horfið í gengdarlausa neikvæðni.

Það getur skipt gríðarlega miklu máli hvernig fréttum fólk er matað á, og mér finnst afgangurinn af Morgunblaðinu eiga að vera mannbætandi frekar en mannskemmandi.

Börnin vitni að ofbeldi

Athugasemdir

[Káta (IP-tala skráð) 22.12.2008 kl. 07:25]

Æ ég segi það sama. Ég leyfði svona könnun á dóttur minni og man eftir þegar ég var í grunnskóla að hafa fengið einhverjar svona kannanir í hendurnar. Án þess að vilja gera lítið úr niðurstöðunum, þá vildi ég gjarnan fá að sjá spurningarnar og vita á hvaða tíma skóladagsins svörin voru fengin. Ég á bæði barn og ungling og tel mig geta spáð nokkuð vel fyrir um svör þeirra beggja - byggt á degi vikunnar, tíma dagsins, hversu vel var farið eftir ráðlögðum svefntíma og umræðum í þjóðfélaginu.

Framsetning niðurstöðunnar setur mann þar að auki í vörn að trúa henni. Af hverju er 20% kallað fimmtungur?  Eða er ég að misskilja? Á ekki líka að segja að fjórðungur jólagjafainnkaupanna hafi farið beint til ríkisins? O.s.frv.

Hvernig væri nú að koma með fréttir af Íslendingum sem urðu ekki fyrir áreiti erlendis heldur upplifðu jólaljómandi útlendinga. Jólajóla án kauphlaups eða föndurs. Og sérstaklega upplifunina að óska sér einhvers án þess að vera með kreppuhik, allir mega alltaf óska sér- fæstir hafa nokkurn tíman fengið alveg það rétta - en samt... þá næst. :)

Kveðja, Káta

[Davíð Oddsson (IP-tala skráð) 22.12.2008 kl. 08:43]

Það heita stóru-branda jól þegar aðfangadagur er á miðvikudegi og litlu-branda jól þegar aðfangadagur er á mánudegi (eða ég vona að ég sé ekki að snúa þessu öfugt :)

Káta, 20% er fimmtungur (1/5), þannig að það er ekkert rangt við að segja það :)