Minnir á þá gömlu góðu daga...

Þegar þjóðin hló sig máttlausa yfir flugmönnum sem voru að slást um hver fengi að sitja fremst í ÞOTUNNI!

Þessi ummæli eru þannig að -já ekki orð um það meir.

Verum góð - það er betra.

Iceland Express harmar árásir formanns FÍA

Athugasemdir

[Nonni (IP-tala skráð) 17.10.2008 kl. 16:53]

Enn einu sinni er Matthías Imsland að þyrla upp ryki í augu fólks. Hann segir að flugliðar og flugfreyjur starfi hjá fyrirtækinu. Ætlast þá til að fólk túlki orðið flugliðar sem flugmenn, en flugliði er freyja. Flugmenn Astreus eru ekki íslendingar.

[Gulli (IP-tala skráð) 17.10.2008 kl. 17:44]

Mattías Imsland ætti þá að byrja á því að bjóða flugmönnum sínum að sækja um aðild að stéttarfélagi fyrir flugmenn í anda Félags Íslenskra Atvinnuflugmanna. Staðreyndin er sú að hann getur það ekki vegna þess að hjá honum vinna engir flugmenn. Hinsvegar kýs hann að brynna músum yfir því að bent sé á sannleikann varðandi farmiðasöluna Iceland Express.

Í rauninni segist Mattías harma ummæli formanns FÍA, en um leið reynir hann að fá íslenskann almenning til að trúa þeirri vitleysu að flugmenn Astreus séu að stórum hluta íslenskir með því að nota orðið "flugliði" sem á við um alla þá sem starfa um borð í flugvélum, þ.m.t. flugfreyjur og þjóna. Það má vera að það séu einhverjir þrír-fjórir íslendingar að fljúga vélum Astreus af sjálfsagt einhverjum hundruðum, en þeir vinna í rauninni ekki þar, heldur eru þeir einyrkjar ( með öðrum orðum einstaklings verktakar sem eru réttindalausir í samanburði við launþega).

Það er óþolandi að Mattías Imsland bregði á þann skollaleik að reyna að koma því inn hjá þjóðinni að Iceland Express séu góðu gæjarnir og Icelandair séu vondu kallarnir. Sannleikurinn er sá að flugmenn sem og flugfreyjur og þjónar Icelandair fá að vera aðilar að stéttarfélagi þar sem þeir njóta sjálfsagðra réttinda launþega eins og almennt gengur og gerist hér á landi. Þeirra sjálfsögðu mannréttinda njóta hinir bresku flugmenn Astreus sem flýgur leiguflug fyrir farmiðasöluna hans Mattíasar ekki!

[Björn Finnbogason, 17.10.2008 kl. 19:31]

Er ekkert að gera upp á milli félaga.  -Vil bara fá Loftleiðir!  Nei bara hafa sem besta tengingu við umheiminn, og virka samkeppni. 

Að við förum núna að keppa um hver er íslenskastur er ekki vænlegt innlegg í tilveruna eins og sakir standa.

[Halldór (IP-tala skráð) 18.10.2008 kl. 10:09]

Matthías Imsland er alveg útá Túni. Af hverju nota þeir ekki bara Íslenska flugmenn í staðinn fyrir að spila þennann leik?

Meirihlutinn af peningum þeirra sem versla við Iceland Express fara úr landi annað hvort til að greiða vélarnar frá Astreus eða til að setja meiri pening inní Sterling í Danmörku. Pálmi Haraldsson er nefnilega eigandinn og einn af "útrásinni" sem keypti og seldi Sterling nokkru sinnum með Hannesi Smára og skuldsetti þjóðina.