Pældíðí ef þetta....

Hefði nú skeð fyrir venjulegt fólk,  sagði maður einn við mig er við vorum að ræða atburði síðustu vikna í mínu lífi. 

Annað eins djöfulsins rugl hefur bara ekki sést á byggðu bóli, og það frá "hinu opinbera".  Verð að segja það alveg eins og er að ég þarf ekkert að kynnast "þessu" opinbera neitt!!! -Alveg búinn að fá mig fullsaddan á "hinu"

Hið opinbera -þvílík opinberun!  Samansafn af misgáfuðu fólki sem hefur helst ekki skoðun á nokkrum sköpuðum hlut, til að rugga nú ekki bátnum!  Og svo kjörnir fulltrúar í ráð og stjórnir að því er manni virðist helst eftir hlutkesti þar sem núllið kemur alltaf upp, og sem steinhalda kjafti til að halda sætunum sínum sama hvað borið er á borð fyrir þá.

Það er sko ekkert inni í myndinni að fólk sé að taka ábyrgð á ákvörðunum sínum, eða að taka ákvarðanir yfirleitt, standi fyrir einhverjar skoðanir eða hafi þær!

Flokkurinn minn má muna fífil sinn fegurri, honum verður þó ekki um kennt.  Hitt er svo annað mál að það er þarna fullt af fólki í áhrifastöðum sem það veldur hreinlega ekki og þá er það okkar hinna að hreinsa út frekar en að skipta um flokk.

Kannski, kannski höfum "við" verið of værukær og sitjum því uppi með þetta ástand.  Við erum aflið sem kemur þessu fólki til valda og við getum líka hreinsað til!

Nú er kominn tími fyrir okkur að setjast niður og ráða okkar ráðum.