Fegurðin

Er fólgin í hjartalaginu. 

Sumir eru þeim sjaldgæfa kosti búnir að andlit þeirra endurspeglar innviðina.

Stundum fer hjartað af stað og við teljum það týnt.  Svo er þó ekki, það valdi kannski bara fáfarinn veg eða dró sig í hlé um stund.

Míns hjarta staður er ekki í höfðinu -svo mikið er víst. 

Það hefur eitthvað ótrúlegt gerst!

Eitthvað sem breytir stund og stað.  Eitthvað sem ég hef fyrir mig, eitthvað sem fleytir mér áfram. 

það er sama hvar borið er niður nánast, alltaf er ég borinn áfram í gegnum dagana einn af öðrum.  Ég þarf ekki lengur að hafa skoðun eða álit á því hvað það er, eða hversvegna það gerist.

Lykilatriði er að sleppa tökunum á hverju sem er.  Ef þú ert að festast í einhverju ferli, slepptu þá tökum á því og leyfðu því að fara. 

Þú missir ekki af neinu sem þér er ætlað.  Allt sem þér er ætlað, fer ekkert þótt þú haldir ekki í það öllum stundum.