Fá báða félaga femínista fram í dagsljósið!

Ótrúlegt hvað allskyns félögum sem dúkka upp af fáránlegustu orsökum tekst að koma sér í fjölmiðla.

Oftar en ekki eru þetta skúffuklúbbar sem dregnir eru á flot á góðviðrisdögum, og tekst að láta líta út fyrir að þetta séu helstu burðarásar síns heimshluta. 

Femínistar segja KSÍ hafa brugðist

Athugasemdir

[Fimmta valdið (IP-tala skráð) 7.11.2009 kl. 17:31]

Skúffuklúbbur eða ekki. Femínistar eru fyrst og fremst, finnst mér, að láta í ljós álit um að allskyns ábyrgðarlausir apakettir hafa frítt spil í íslensku samfélagi. Þetta litla dæmi er í rauninni alveg skínandi dæmi um það umburðarlyndi sem við höfum fyrir spillingu og kjánalátum á þessum litla útnára. KSÍ slær skjaldborg um sinn mann.

Það yrði til stórrar gæfu ef okkur tækist að þoka okkur upp á hærra siðferðisplan, hvort sem er á sviði íþrótta, stjórnmála, viðskipta eða hvar sem mannleg breytni hefur áhrif út í samfélagið. Ég kalla eftir almennri siðbót. Ekki bara í orði, heldur líka í verki.

Ég óttast, á hinn bóginn, að þetta litla samfélag sem við byggjum á þessu góða landi, sé engan veginn á réttri vegferð hvað varðar siðferðismál. Mín tilfinning er sú, eftir fréttir síðustu daga, vikna og mánaða, að allt leiti í fyrra far. Mér finnst eins og þorri fólks þrái fyrst og fremst að það náist að stýra okkur sem samfélagi inn á gömlu "góðu" hjólförin.

[Jónína (IP-tala skráð) 7.11.2009 kl. 23:57]

Mikið rosalega er ég sammála Fimmta valdinu og ósammála Birni.  Ótrúlegt hvað sumir karlar eru fljótir fram til varnar þegar femínistafélag gagnrýnir eitthvað sem einn úr þeirra hópi gerir.  Í þessu tilfelli er um grafalvarlegt mál að ræða.  Þessi KSÍ gaur var að sumbla með kreditkort frá KSÍ..........HA......  Pínlegt var líka viðtal fréttmanns við einhv. forsvarsmann KSÍ þar sem hann varði sinn gaur fram í rauðann dauðann og svaraði EKKI spurningum fréttamanns um hvað gaurinn hefði verið að gera með kreditkort frá KSÍ á þessum stöðum heldur endurtók bara aftur og aftur að einhv. af þessum reikningum hefði verið leiðréttir og lækkaðir, eins og það gerði þetta mál eitthvað minna.  Maður hlýtur að geta gert kröfu um að fólk sem velst til starfa fyrir íþrótta- og æskulýðsfélag sé með siðferðið á hreinu og á ég bæði við sjálfann sumblarann sem og forsvarsmenn þeirrar hreyfngar sem hann var á vegum.