Stóreignafólkið hennar Jóhönnu!

Þeir sem eiga fimm milljónir í húsunum sínum eða meira!  Þá vitum við það. 

Hún segir okkur líka að þessi leið auki skuldir ríkisins um 6-800 milljarða.  Þá vitum við það.

Hún segir okkur hinsvegar ekki hvað það muni kosta þjóðarbúið að gera ekki neitt!

Hún segir okkur ekki hverjar tillögur hennar séu!

Hún talar um aðgerðir, elsku elliæra kellingin, en tími þeirra er liðinn.

Við erum á hraðri leið úr landinu þjóðin one way, og þessi ríkisstjórn sem allar líkur eru á að verði við lýði áfram eftir kosningar mun skattpína restina, fylla allar holur af eftirlitsmönnum og arðræna lýðinn sem aldrei fyrr.

Þetta vildi "þjóðin" á Austurvelli greinilega, því ekkert hefur farið fyrir þeirri þjóð síðan þessi stjórn tók við.

Hafnar flatri niðurfærslu skulda

Athugasemdir

[Hrannar Björn Arnarsson, 25.3.2009 kl. 11:37]

Sæll.

Þú hefur greinilega ekki lesið ræðuna, heldur bara frétt Morgunblaðsins. Þú hefur greinilega heldur ekki kynnt þér þau úrræði sem ríkisstjórnin hefur verið að samþykkja fyrir sitt leiti og eru nú að renna í gegnum Alþingi eitt af öðru. Þér til fróðleiks læt ég því úrræðapakkan fylgja - þú metur síðan í framhaldi hvort þú heldur áfram að kalla hann "að gera ekki neitt".

Aðgerðir til stuðnings skuldsettum heimilum

1. Skuldajöfnun verðtryggðra lána – 10-20% lægri greiðslubyrði en ella
2. Frysting og í framhaldi skuldajöfnun gengisbundinna lána – 40-50% lægri greiðslubyrði
3. 25% hækun vaxtabóta – hjón með 3-8 milljóna árstekjur hækka um rúm 170 þús, úr 314 þús í 487 þús á ári.
4. Útgeiðsla séreignasparnaðar – milljón á einstakling, tvær milljónir á hjón
5. Greiðsluvandaúrræði Íbúðalánasjóðs stórefld og samkomulag gert við aðrar fjármálastofnanir um að sömu úrræði gildi þar einnig.
   1. Skuldbreytingalán og lánalengingar um 30 ár í stað 15 áður
   2. Heimild til að greiða bara vexti og verðbætur af vöxtum og frysta höfuðstól í allt að 3 ár.
   3. Heimild til að frysta afborganir í allt að 3 ár.
   4. Ýmsar mildari innheimtuaðgerðir
6. Greiðsluaðlögun samningskrafna
7. Lækkun dráttavaxta
8. Skuldfærsla barnabóta uppí skattaskuldir bönnuð
9. Skuldfærsla hverskonar inneigna hjá ríkinu uppí afborganir Íbúðalánasjóðs afnumdar
10. Frestun nauðungaruppboða fram til loka ágúst
11. Lenging aðfarafresta úr 15 dögum í 40
12. Aukin stuðningur aðstoðarmanns og leiðbeiningaskylda vegna gjaldþrota
13. Greiðsluaðlögun fasteingaveðlána
14. Heimild til Íbúðalánasjóðs til að leigja fyrri eigendum húsnæði sem sjóðurinn eignast á uppboðum.

Og annað - hefur þú heyrt trúverðuga skýringu á því hvernig ríkisstjóður á að standa undir flötum niðurfellingum skulda ? - 300 milljörðum bara fyrir húsnæðisskuldir.

Kveðja góð,

[JB (IP-tala skráð) 25.3.2009 kl. 11:58]

Takk fyrir athugasemdina Hrannar sem felur í sér upplýsingar um aðgerðir ríkisstjórnarinnar. Maður fær tár í augun þegar nakinn sannleikurinn blasir við.

Liður 1.,2.,5.,10.,11. eru allt lenging í ólinni fyrir skuldara, með tilheyrandi AUKNUM heildarkostnaði fyrir þá. Það kostar meira að skulda lengur.
Liður 3. hærri barnabætur nýtast þeim sem hafa lægri tekjur en 330 þúsund á mann/mánuði. Gögn sýna að það var frekar tekjuhærra fólkið sem tók erlendu lánin og situr uppi með tvöfalda greiðslubyrði og nýtist því þessi hækkun ekki, sérstaklega þeir sem nú hafa tvöfaldað vinnuna sína til að ná endum saman, þeir munu lenda í ofurtekjuskattþrepinu (500þ.+)
Liður 4. OK - takk fyrir að leyfa okkur að nota hluta launa okkar sem við lögðum sjálf í sparnað.
liður 6. Hvað í "#$& er samningskrafa?
Liður 7. Hámark dráttarvaxta er ákv af Seðlabanka, og helst í hendur við alm vaxtastig, EKKI ákvörðun ríkisstjórnar. Bankar ákveða svo sjálfir m.t.t. sinna hagsmuna hve háa vexti þeir inniheimta (upp að ákveðna hámarkinu)
Liður 8.og 9. hvaða máli skiptir af hvaða tekjum maður borgar skuldirnar sínar, þeim sem koma í formi bóta frá ríkinu eða launa? Engin hjálp.
12. Hjálp í gjaldþroti?
13. Opnað á mismunandi túlkanir einstaka aðila sem koma að mati á greiðslugetu. Aðferð snigilsins við úrlausn bráðavanda. Við þurfum bráðamóttöku, ekki langlegudeild. Það eru þúsundir manna á barmi örvæntingar. Núna!
14. Takk fyrir að leyfa okkur að leigja húsin okkar, sem við misstum út af almennu efnahagsástandi.

Er furða þótt fólk tárist?  Hvað þarf að gerast svo ríkisstjórnin komi með raunverulegar lausnir til að hjálpa fólki? OK - kannski er ekki hægt að fella niður skuldir - en hvað er þá hægt að gera????

[Héðinn Björnsson, 25.3.2009 kl. 18:46]

Stjórnvöld keyrðu upp verðgildi íbúða og neita nú að taka sinn hluta af reikningnum. Slíkt er ekki vænlegt til að stuðla að frið í landinu. Ég bendi á að notaðir voru á annað þúsund milljarða til að hjálpa fjármagnseigendu* en það má ekki nota 200 milljarða til að hámarka nafnvexti við 10% gegnum versta kúfinn.

 *600 milljarða í innistæðutryggingu umfram 20 þúsund evrur, 400 milljarða í banka og peningamarkaðssjóði, 300 milljarða í gegnum afskriftir Seðlabankans...

[Björn Finnbogason, 26.3.2009 kl. 01:39]

1.  Leyfa fólki að greiða af öllum lánum sínum samkvæmt greiðsluseðlum 1. júní 2008 þar til annað verði ákveðið.

Þetta gildi um öll lán, bílalán sem önnur.  Mjög einfalt -ríkið á þetta allt saman hvort eð er.

2.  Láta ríkisbankana ávísa á reikninga í sparisjóðunum þeim aðilum og fyrirtækjum sem verjandi er að hjálpa miðað við segjum gengisvísitöluna 175.  Þeir reikningar yrðu svo fluttir til bankanna eftir að niðurstaða fæst í efnahagsreikning þeirra.  Fjármagnið sem til þarf tekið af láni IMF.

3.  Stöðva allar aðfararbeiðnir og uppboð fram á haust.  EINA LAGASETNINGIN SEM ÞÖRF ER 'A.

 Hvað finnst fólki svo um þessar mjög svo flóknu tillögur?

Tillögur og frumvörp sem liggja fyrir alþingi eru einskis virði fyrr en í sumar eða haust og það er bara of seint.

þá duga engin 20% heldur!  Þá eignast ríkið landið og miðin, skuldirnar og fólkið, húsin og bílana.