ALLIR ÞINGMENN ÚT!

Enginn skal vera undanþeginn því að yfirgefa skútuna og ganga plankann.  Framkoma þeirra allra er með slíkum ólíkindum að engu máli skiptir hver þeirra er við völd. 

Úr því sem komið er skipta nokkrar vikur til eða frá engu og best að hreinsa almennilega til og byrja landnám Íslands upp á nýtt.  Allir hvort sem er gjaldþrota eða ráðþrota nema hvorutveggja sé. 

Fávitahátturinn í þingheimi er slíkur að maður fær æluna í hálsinn við að sjá þessa bjána á mynd, og hálfkafnar svo við að heyra þá tala!

Þessir labbakútar þurfi svo að sæta því að geta ekki boðið sig fram til þings í fjögur ár.  Það er held ég alveg sama hvað gert er, ekkert getur komið í veg fyrir hrun landsins, og því ekki að horfast í augu við það og byrja strax upp á nýtt.

„Þið eruð öll rekin“

Athugasemdir

[Jón Steinar Ragnarsson, 21.1.2009 kl. 21:36]

Það sem mér finnst að ætti að vera einföld málefnaleg krafa er að krefjast dagsetningar á þingslitum og kosningum, hvort sem það verður í vor, haust eða 2011. Fram að því á fyrsta krafa að vera að aðskilja lögjafar og framkvæmdavald strax. Þ.e. að létta ægivaldi ráðherra yfir þinginu og gera það lýðræðislega starfhæft. Við það yrðu ráðherrar ekki þingmenn og fengju ekki að sitja þingfundi. Þingmönnum fækkaði í ca 51 og þingið ræddi og réði gjörðum ráðherra og lögjöfinni. Fyrr verður ekki lýðræði hér.

Að því gerðu, þá getur þingið fyrst orðið að kröfum fólksins, sem er ómögulegt nú. Hér er því ekki lýðræði í nokkrum skilningi enn. Það mun breytast um leið og þessi grundvallarbreyting verður gerð. Þá mun allt hitt sem krafist er koma. Kosningar líka.