Glundur og Roði lífeyrissjóðir sameinast.

Hluti af þeim sirkus sem hefur verið í gangi undanfarin ár eru nýjar nafngiftir lífeyrissjóðanna.  Ekki er nokkur leið lengur að geta sér til um hvað stendur á bak við nöfn margra þeirra.

Gæti verið að það væri með ráðum gert svo almenningur hefði enga hugmynd um hvað Gildi, Stafir, Festa, o.fl. stæði raunverulega fyrir.  LSR er eini lífeyrisssjóðurinn sem kemur upp í hugann!  

Glundroði er mín tillaga að nafni fyrir sameinað lífeyrisbatterí allra lífeyrissjóða.  Að sjá hvernig fara á með fjármuni fólks er alveg grátlegt.  Nú eru forráðamenn Exista til dæmis að taka snúning á þeim og hirða Símann og Vís fyrir einn milljarð króna.  Forsvarsmenn sjóðanna yppta bara öxlum, enda ekki þeirra peningar sem eru að tapast.

Svo geta verkalýðsforkólfar sem stjórna þessu öllu saman staðið á sviði og bent í allar áttir á líklega sökudólga.  Þvílíkt endemis rugl og vitleysa.  Held að verkalýðsforystan ætti að sjá sóma sinn í að byrja á að segja af sér sjálf í heild sinni, þeir eru sko ekkert að gera til að vernda hagsmuni sinna félaga.

Erfitt að meta stöðu Stafa