Ég er hýr, og ég er rjóð....

Því Jón er kominn heim! 

Ingibjörg Sólrún átti nú aldeilis tromp upp i erminni framan af hremmingum okkar. Stúkudrenginn Jón Sigurðsson, heimkominn fyrrum bankastjóra frá Finnlandi, stjórnarformann Fjármálaeftirlitsins, varaformann stjórnar Seðlabankans, algerlega vammlaus að hennar mati og flottur til að taka við Seðlabankanum.

Lítið hefur hinsvegar til hans sést eftir að Fjármálaeftirlitið blandaðist svona rækilega inn í málin.  Fréttamenn virðast heldur ekki hafa nokkurn áhuga á að vita neitt um Jón, eða finna hann kannski ekki.

Kannski er hann í pólitískri endurhæfingu og birtist okkur svo sem landsfaðirinn Jón, svona eins og Ólafur Ragnar forðum daga.

En hvar er Jón?