Brown valdi!

Að:

Sjá ekki!

Heyra ekki!

Skilja ekki!

OG vilja ekki gera neitt, og lítið sem við gátum gert í því eða íslenskir ráðamenn annað en að vona að allt færi vel.  Hitt er svo annað að algerlega óásættanlegt er að ekki skuli vera hægt að koma böndum á bankana sem eru þó orðnir í ríkiseigu og þeir skuli ekki fá fjármagn til að rúlla innanlandsmarkaði.

Geir aðvaraði Brown í apríl

Athugasemdir

[Linda (IP-tala skráð) 1.11.2008 kl. 08:34]

Brown valdi? Hvað með okkar eigin ríkisstjórn? Ætlarðu virkilega að sitja þarna og dæma aðra ráðherra þegar okkar eigin eru ekki bara óhæfir heldur stórhættulegir? Það er búið að beina athyglinni á alla aðra og ásaka alla aðra nema þá sem að bera raunverulegu ábyrgðina. Það var OKKAR ríkisstjórn sem að beinlínis hundsuðu varnarorð IMF og annara sérfræðinga og lugu að okkur að allt væri í fínasta lagi. Þeir tóku ekki tilboði Breta um að bjarga IceSave og setja hana á ábyrgð breska ríkisins. Svo er þetta sama hyski að rannsaka hversvegna fór sem fór! Það er svolítið eins og að setja glæpamanninn í ráninu í það að rannsaka ránið, ekki satt?  

[Björn Finnbogason, 1.11.2008 kl. 13:53]

Hvert er fólk komið eiginlega?  Held að það sé orðið öllum sem vilja ljóst að íslendingar réðu ekki við þetta skrímsli "bankana"  Líka að leitað var eftir aðstoð út um allt án árangurs, sennilega vegna þess að enginn gat séð hvernig þetta myndi enda eða hve mikið fé þyrfti til.  Líklegast hefur tilboð breta innihaldið að við myndum greiða 20887 evrur með hverjum reikningi og þeir sjá um rest miðað við 200-400-600millj. punda meðgjöfina sem krafist var -þó ekki af bretum heldur Björgólfi Thor!  Þegar upp verður staðið var sennilega ekki annað í stöðunni heldur en að láta þetta rúlla.  Bendi á að vandinn varð fyrir alvöru ljós í apríl!  Þá sá enginn fyrir hrun heimsins heldur "aðeins" hugsanlegt hrun Íslands.  Það er á ábyrgð eigenda bankanna fyrst og fremst, Fjármálaeftirlitsins og Seðlabankans, hvernig bankarnir gátu blásið svona út, auk erlendra banka og fjármálastofnana sem mokuðu hingað fé.  Það hefði hinsvegar breytt miklu ef Bankarnir hefðu farið "út" 

Bendi fólki á að skoða af hverjum þessir sjóðir bankanna keyptu skuldabréf!  Það má sjá í ársreikningum þeirra hverjir eru stærstir.  ÞÁ FÉKK ÉG UPP Í KOK af þessu liði og vildi helst skylda þá til að kaupa Kolbeinsey til ábúðar -saman.

[Loftur Altice Þorsteinsson, 1.11.2008 kl. 14:19]

Það eru athyglisverðar fréttir að fjármál Íslands hafi verið í prenni-punkti á fundi þeirra Brown og Geirs í apríl 2008, en koma samt ekki á óvart. Þeir sem voru að vinna í málunum, vissu vel að hverju dróg. Skýrsla þeirra Willem Buiter og Anne Sibert gerir skýra grein fyrir stöðunni. Allar vísbendingar benda til, að Gordon Brown og félagar hans hafi verið með áætlanir tilbúnar snemma þessa árs um að hefna niðurlægingarinnar í Þorskastríðunum.

Í júlí þegar Gordon Brown hitti Henry Paulson í London, lagði hann hart að þeim síðar-nefnda að veita okkur engan stuðning. Hann þurfti engan rökstuðning, en hefur eytt efasemdum Paulson með sömu kröfu og hann beitti gegn öllum öðrum: "látið Íslendsku svínin leita fyrst til IMF áður en við veitum þeim aðstoð". Það var auðvitað það sem Íslendsk stjórnvöld áttu að gera STRAX !

Það er betur og betur að koma í ljós, að allstaðar þar sem Íslendingar komu að lokuðum kofanum, hafði Gordon Brown haft viðkomu stuttu áður. Hann tók loforð af mönnum um að veita okkur ekki stuðning eða taldi þá á að við þyrftum stimpil IMF, áður en okkur væri réttur litli fingur.