Raunveruleikinn runninn upp!

Er búinn að vera að renna í gegnum lífið mitt undanfarið ár eða svo.  Ótrúlegar breytingar sem orðið hafa á mínum högum og á köflum óskiljanlegt hverju ég er búinn að áorka.

Umhugsunarefni líka hvað stendur upp úr, það eru ekki fjárhagslegir ávinningar, eignir, eða aðrir veraldlegir hlutir, heldur einstök andartök, einstök andartök í lífinu undanfarið ár með fólki sem mér þykir vænt um. 

 Nú stend ég frammi fyrir því að taka erfiðar ákvarðanir, ákvarðanir um að skilja við eitthvað af því sem ég hef skapað, til að gefa mér svigrúm að halda áfram að þroskast og dafna.

 Það verður einhver annar sem fær að lifa einn drauma minna, önnur fjölskylda vonandi ber gæfu til að nýta sér þá möguleika sem felast í því sem ég verð að losa mig við.

Ég hinsvegar verð að sætta mig við að stundum, stundum verða peningar að ráða.

Og þótt erfitt sé á eftir að horfa, verður alltaf í minningunni hugmyndin sem varð að veruleika fyrir fáránlega bjartsýni, trú á verkefninu,  og vonandi verðskuldað traust annarra á mér þegar upp verður staðið. 

Eftir stendur á gangstéttinni maður á leiðinni inn í framtíðina sem getur litið um öxl og sagt:

ÞETTA GERÐI ÉG LÍKA 

Athugasemdir

[Bryndis (IP-tala skráð) 30.8.2008 kl. 17:27]

Sæll, ég veit ekki hver þú ert, og þú veist ekki hver ég er en bloggið þitt hefur vakið upp hjá mér hugsanir og skilning, það er djúpt og hreinskilið, vonandi gengur vel hjá þér, ég ætla að stela slagorðinu þínu að líta um ölx áður en ég held úti það sem er óráðið, gangi þér vel :o)

lesandi sem er á villigötum