Hræddur er ég um að-

þessir tuttugu verði nú fallnir frá áður en niðurstaða fæst.  Það er alveg sama hver rekur húsnæðið aðalmálið er stuðningurinn sem í boði er.  Það er ekki nokkurt einasta vit í því að hlaða tuttugu manns einhvers staðar niður.  Það er jafnljóst að best er að þessi aðstoð falli sem mest inn í daglegt líf almennings í landinu.  Það skeður bara ekki ef fleiri en 4-6 búa saman.  Umræða á því plani sem þessi er eykur bara spennuna hjá fólki gagnvart þeim sem verið er að reyna að hjálpa.

Vímuefnasjúklingar á götunni

Segist hafa verið fullvissaður!

Mér hefði nú fundist ástæða fyrir þingmann kjördæmisins að GANGA ÚR SKUGGA UM að þetta hefði engin áhrif!

Brýnt að hraða umhverfismati

Velkomnir í vitleysuna íslendingar!

Þessa nýju tegund stjórnmálamanna sem nú ryður sér til rúms á Íslandi, ætti að stoppa -upp! -hið snarasta.  Sem taka ekki pólitíska ábyrgð á nokkrum sköpuðum hlut, allt gerist af annarra völdum eða er sett á diskinn hjá fólki sem er gjörsamlega veruleikafirrt -til ákvarðanatöku. 

Getur forysta stjórnarflokkanna lifað við svona ráðherra-dóm? 

Undirbúningur skemmra kominn

Bangkok Hilton

Hafið þið séð myndir af þessu fræga hóteli?

Öskrandi ljón -varúð!

Er í þvílíka gírnum þessa dagana.  Eins gott fyrir fólk að vera ekki mikið að þvælast fyrir -það fá sko allir sinn skammt sem eru eitthvað að bulla í mér.

Rétt skal vera rétt syndrómið hófst á fimmtudaginn og Guð einn veit hvenær því lýkur. 

Ánægður samt með að missa mig ekki alveg útbyrðis, og þeir sem í mér lenda eiga það nú allir inni á einn eða annan hátt sjáiði til:-)

Tók nokkuð góða rispu fyrr í kvöld og fláði einn sem veitti nú ekki af fláningunni.  Nokkur atriði verða tekin fyrir á morgun, verst að ég fékk flís í aðra framloppuna sem veit ekki á gott fyrir flísaeigandann upprunalega.

Ég hef annars ekki hugmynd um hvaðan allur þessi kraftur kemur en gott að hafa hann engu að síður.  Vona að hann endist mér viku í viðbót, þá er ég líka farinn í frí.  Vinkona mín ein sem er búin að fá alveg nóg af mér greinilega, fann leið til að losna við mig.

Annars eru dæturnar búnar að finna frosk í Florida, hálfnaðar með mallin og hálfblankar og bíða nú eftir marshall aðstoð.  Þær ná þá einhverjum lit kannski á meðan:-)  

Heilsugæsla! - hmmmm....

Þetta orð er búið að vera að veltast svolítið um í mér undanfarna daga.  Ég á nefnilega eitt stykki heilsugæslustöð.  Byggingarfulltrúinn hérna í Reykjanesbæ er búinn að vera að hvæsa á mig svolítið af því að ég er að flytja í slotið og hyggst nýta nokkur herbergi til útleigu.  Kannski skiljanlegt ef tekið er mið af aðstæðum á "hinni" heilsugæslunni hér í bæ sem er alveg blönk- eins og ég að vísu, og getur ekki haldið úti nauðsynlegri þjónustu.  Það er ég búinn að sjá út að ég gæti hinsvegar!

Leigt bara út herbergi til skottulækna, grasalækna, lýtalækna, o.s.frv.  Ég hins vegar yrði yfirlæknir á svæfingardeildinni og léti fólkið borga daggjöld- fyrir hverja nótt að vísu, en ekkert að vera að væla í ríkinu neitt um pening í reksturinn.  Og eins og á alvöruheilbrigðisstofnunum úti á landi, fengi ég sem yfirlæknir læknabústað sem yrði að sjálfsögðu á efri hæðinni.

Önnur leið væri að setja af stað meðferðarstöð fyrir vímuefnasjúklinga, það tel ég að myndi henta húsinu mjög vel og staðsetningin alveg frábær í hjarta Keflavíkur.  Stutt í allt og algjör óþarfi að slíta fólk úr samhengi við samfélagið þó það fari í meðferð.  Stutt í kirkju, AA húsið rétt hjá, o.fl.

Þriðja -nei,nei, þetta er orðið gott í bili.  En eins og allir sem þekkja mig vita, þá er ég ljón þótt ég heiti Björn og ég kann á vélsög.  Annað hvort er rétt, rétt!  Eða ég ver minn rétt.  Allavega alveg ljóst að ég er ekkert efni í eftirrétt!  

Meira síðar:-)  

Tekinn!

-Með flugnaspaða í stofuglugganum í gærkvöld og það get ég sagt ykkur að ég er ennþá alveg köflóttur eftir helvítis spaðann.  Stóð frammi fyrir agalegum uppgötvunum um sjálfan mig, um leið og ég las yfir öðrum!

Heyrði líka í tveim vinkonum - þær fóru algjörlega á kostum og alveg meiriháttar að hlusta á þær.

Vinnan gerir þig frjálsan! 

Gargandi sönnun þess, þessar tvær. 

Málið er að láta sig bara flakkamaður er svo mikið hreinni á eftir!

 

Ég er að tala um þig....

 Fyrirgefðu mér að ég skyldi taka veraldlega hluti fram yfir þig og þína líðan!

Ein erum við ekki neitt, með öðrum mikið meira en eitt! 

Saman klárum við allt sem lífið býður upp á!

 

Í bljúgri bæn og þökk til þín,

sem þekkir mig og verkin mín.

Ég leita þín Guð leiddu mig,

og lýstu mér um ævistig.

 

Ég reika oft á rangri leið,

sú rétta virðist aldrei greið.

Ég geri margt sem miður fer,

og man svo sjaldan eftir þér.

 

Sú bæn er ein í brjósti mér,

ég betur kunni þjóna þér,

því veit mér feta veginn þinn,

að verðir þú æ drottinn minn.

Fíflagangur kerfisins!

Held að forráðamenn Reykavíkurborgar ættu að kynna sér rekstur soberhouses í USA.  T.d. í Minneapolis, þar sem þau eru í öllum hverfum og leigan miðast við það.  Í þeim búa 4-6 manns að meðaltali, og ekkert sem segir til um að það sé eitthvað sérstakt fólk sem býr þar.  Í Norðlingaholti og öllum hverfum Reykjavíkur deyr "venjulegt" fólk úr ofnotkun vímuefna án þess að hafa nokkurn tíma leitað sér aðstoðar.  Hvert á að flytja það fólk þegar hverfasamtökin verða búin að koma upp mælitækjum við hliðið inn í hverfin?

Hagkvæmni fjöldans á einfaldlega ekki við í þessum málum þar sem hver einstaklingur er einstakur, hver sem hann er.   

Íbúar í Norðlingaholti afhenda borgarstjóra undirskriftir gegn áfangaheimili

And now I´m back -from......

Haldið þið ekki að ég hafi fundið holu í stundaskránni til að hvílast í næstum heilan sólarhring.  Var að vísu fluttur hreppaflutningum til baka ásamt annarri manneskju, en aðeins um stund svo ég náði nú mestu sólinni í dag. 

Æðislegt að heimsækja fornar slóðir svo í kvöld.  Hitti þar fyrir mann sem ég hafði ekki séð síðan 2005, og við gátum borið saman bækur okkar um liðna tíma.

Las svo yfir stjörnuspá dagsins er ég kom heim- maginn er enn að ná sér eftir hláturskrampann og ánægjuna miklu með þennan spáhöfund, þetta er greinilega mikill vitringur þegar hann vill við hafa og ég er sáttur við skrifin:-)